Po hetohet për fshehjen e një garazhi në Sarandë dhe prona të tjera, Rama komenton hetimin e SPAK për Bushatin

Daljen e kësaj të marte para gazetarëve, Kryeministri Edi Rama ja kushtoi infrastrukturës së ujësjellësave, por nuk iu shmang dot pyetjeve të lidhura me zhvillimet politike.

Kryeministri u pyet në lidhje me hetimin e nisur nga SPAK ndaj deputetit socialist, Ervin Bushati, i cili gjithashtu është edhe kryetar i PS së Tiranës për Partinë Socialiste.

“Qëllimi është i përbashkët, përgjegjësia individuale. PS nuk do të bëhet mburojë e hetimeve të individëve. Kur dikush merr një detyrë në PS, përgjegjësia është individuale. Kapërcimi i vijës ndarëse të qëllimit të përbashkët me atë individuale”, u shpreh Rama.

Megjithatë, Rama nënkuptoi se nuk ka ardhur ende momenti i distancimit mes Partisë Socialiste dhe Ervin Bushatit, përsa kohë ky i fundit nuk është marrë i pandehur.