Greqia drejt mbylljes, maska me detyrim kudo

Një tjetër shtet është në prag të mbylljes si pasojë e valës së dytë të Covid-19.

Mjaft zona në vend janë cilësuar me rrezik të lartë dhe janë listuar si “Niveli 4”.

Ministria e Shëndetësisë në Greqi raporton se niveli i riskut përcaktohet nga numri i të prekurve për 100 000 banorë.

Zonat si ajo e Atikës, Karditsës, Janinës, Trikalas, Kozanit, Kosturit, Heraklionit, Thias, Samos, Mitilinist dhe Zakintos konsiderohen në nivelin 3, por me potencial të madh që të kalojnë në nivelin 4.

Situata konsiderohet mjaft alarmante sipas autoriteteve greke, të cilat e konsiderojnë vetëm një hap larg “mbylljes”.

Këto zona kanë mesatarisht 94 të prekur për 100 000 banorë, situatë e cila mund të përkeqësohet në vijim sipas autoriteve greke.