“Vijon puna me ritme të larta”, Balluku inspekton punimet në Bypassin e Vlorës

Ministrja e Infrastrukturës Belinda Balluku ka qenë e pranishme në punimet që janë duke u bërë për rikonstruktimin e Byppasit të Vlorës.

Balluku tha se ky është një investim i rëndësishëm jo vetëm infrastrukturor, por edhe për të zhvilluar më tej turizmin në këtë zonë. I pranishëm në punime ishte edhe kryebashkiaku i Vlorës Dritan Leli dhe zyrtarë të tjerë lokalë.

Dritan Leli: Është punuar intensivisht për të ndërtuar këtë vepër kaq shumë të rëndësishme për qytetin e Vlorës. Rezultatet e punës janë evidente. Më vjen mirë për ndërhyrjet që janë bërë, pasi është gjetur zgjidhja më e mirë. Më vjen mirë që bashkëpunimi ynë ka qenë i shkëlqyer. Mbetem falënderues për të gjithë.

Belinda Balluku: Ky është një investim i madh jo vetëm infrastrukturor, por edhe një investim për turizmin. Puna e bërë është evidente. Puna është e dukshme dhe cilësore. Unë gjej rastin për t’ju përgëzoj për punën e bërë, ndërsa iu jap shtysë sigurisht që të bëjmë më shumë përpara.

Rruga në tërësi është panoramike. Qytetarët ndër të tjera do të shijojnë edhe panoramën. Është bërë 45 përqind e rrugës, ndërsa uroj që të ecet përpara. Me krahë të lehta dhe shihemi për pak javë për të parë ecurinë e mëtejshme.

Më herët, Rama lajmëroi për inspektimet e ministres Balluku dhe zyrtarëve të tjerë në ndërtimin e Byppasit të Vlorës.