Gjiknuri takon ish drejtuesit socialist ndër vite: Të gjithë bashkë për të mirën e Vlorës

“Një takim miqësor me njerëzit që kanë koontribute të veçanta në Partinë Socialiste”, e cilësoi Gjiknuri takimin me ish-drejtuesit e PS Vlorë ndër vite.

Në këtë takim ishin të pranishëm ata të cilët, me koontributin e tyre të përhershëm e kanë çuar përpara Partinë Socialiste të Vlorës.

Gjiknuri shprehu mirënjohjen e thellë për modelin që gjithsecili i ka ofruar kësaj force politike, duke e afruar shumicën e qytetarëve drejt modelit që PS përfaqëson në vetvete, si partia shumë pranë qytetarëve.

“Unë e kam patur traditë, kur isha Drejtues Politik në Vlorë, që i mblidhja të gjithë brezat e koontributorëve. Ju të gjithë jeni njerëz të nderuar. Unë do të jem një zë i fortë që do t’ju përfaqësoj. Kjo krahinë është krahinë me zemër të fortë, me karakter të fortë, të mbajtjes së fjalës dhe të përballjes me realitetin. Këtë gjë unë do ta bëj vazhdimisht. Ju, secili në mënyrën e tij, përfaqësoni vlera në qytet, përmes kontributit të përhershëm në Partinë Socialiste të Vlorës. Unë do të vijoj të koontribuoj duke qenë një pikë e përhershme lidhëse me koontributin tuaj. Në këto zgjedhje, njerëzit e kanë spektrin e ngjyrave, mund të zgjedhin kë të duan si përfaqësim, por unë besoj dhe dua të përfaqësoj ato vlera të trashëgimisë socialiste që ekziston tek të gjithë ju. Ju keni bërë beteja ndër vite, edhe më shumë se unë. Dëshiroj të jemi gjithmonë të gjithë bashkë për të mirën e Vlorës”, deklaroi Gjiknuri në takimin me ish-drejtuesit dhe koontributorët ndër vite të Partisë Socialiste Vlorë.