Damian Gjiknuri diskutim me banorët e Qafë Gjashtës: Ndriçimi dhe infrastruktura rrugore drejt zgjidhjes

Kandidati për deputet i PS në qarkun Vlorë, Damian Gjiknuri, zhvilloi një takim të rëndësishëm me banorët e zonës së Qafë Gjashtës, ku u diskutuan shqetësimet që lidhen me gjendjen e infrastrukturës rrugore dhe mungesën e ndriçimit publik.

Banorët ngritën problematika konkrete që prekin jetesën e përditshme, të cilave u është premtuar një zgjidhje e shpejtë. Përfaqësuesit e Partisë Socialiste siguruan se këto çështje janë tashmë në fokus dhe do të trajtohen me përparësi.

“Do të vijojmë kontaktin e pandërprerë me të gjithë qytetarët për t’u njohur, adresuar dhe dhënë zgjidhje shqetësimeve të tyre,” u theksua gjatë takimit.

Ky është një hap tjetër drejt përmbushjes së objektivit për një Shqipëri 2030 më të zhvilluar, moderne dhe të orientuar drejt mirëqenies së çdo qytetari.