Si punonjësi i bëri “gropën” pronares sarandjote, “çoi” policët pa vetëdije te biznesi i 42-vjeçares
Policia e Vlorës ka dalë me një njoftim zyrtar lidhur me një ngjarje të ndodhur në qytetin Sarandës.
Blutë e qytetit bregdetar bëjnë me dije se një 36-vjeçar, me ininciale A.S është proceduar penalisht pasi ndaj tij ka bërë kallëzim shtetasi G. A, se ai kishte publikuar në “TokTok”, disa video të djalit të tij, pa pëlqimin e këtij të fundit.
Gjithashtu gjatë kontrollit ku punon 36-vjeçarit u konstatua se pronarja e këtij subjekti, shtetësja S.M, 42 vjeç, ushtronte aktivitet tregtar pa kasë fiskale dhe me punëtorë të pasiguruar
“Specialistët për Hetimin e Krimeve Ekonomike dhe Financiare referuan materialet në Prokurori dhe nisën procedimin penal për shtetasin A. S., 36 vjeç, banues në Sarandë, pasi ndaj tij ka bërë kallëzim shtetasi G. A., se ky shtetas kishte publikuar në aplikacionin TikTok një video të djalit të tij, 23 vjeç, pa pëlqimin e këtij të fundit, duke ekspozuar jetën e tij private.
Gjithashtu, gjatë kontrollit në subjektin ku punonte shtetasi A. S., u konstatua se pronarja e këtij subjekti, shtetasja S. M., 42 vjeçe, ushtronte aktivitet tregtar pa kasë fiskale dhe me punëtorë të pasiguruar. Në vijim të veprimeve, ndaj saj nisi procedimi penal, në gjendje të lirë”,njofton Policia.
Materialet iu referuan Prokurorisë, për veprime të mëtejshme.
