Rama takim me të rinjtë në Vlorë: Në mandatin e 4 përfundojmë negociatat për anëtarësimin në BE, në 11 maj kemi në dorë fatin historik të vendit
Kryetari i Partisë Socialiste, Edi Rama, është duke zhvilluar një takim me të rinjtë për prezantimin e kandidatëve të Vlorës.
‘Në 11 maj ne kemi në dorë fatin historik të vendit. Në mandatin e 4 ne përfundojmë negociatat për anëtarësimin e vendit dhe për t’ju dhënë ju pasaportën e BE. BE do që të marr në familjen anëtarë të rinjë. Nënse në 11 maj Shqipëria i jep Europës mesazhin se ne jemi të qartë se ca do bëjmë deri 2027 dhe duam që të jemi në BE kjo është një gjë, por nëse Shqipëria jep mesazh se populli merret me mustaqet e Kujtim Gjuzit është tjetër gjë’, tha ai.
Kryeministri Rama foli edhe njohjen e pensioneve me Greqinë. Ai tha se në momentin që vendi anëtarësohet në BE pensionet do të njihen automatikisht për shqiptarët që jetojnë në Greqi.
‘Ne sot jemi kërkesa pafund nga shqiptarët në Greqi që kanë merakun që tu njihen pensionet si ju njohën atyre në Itali. Me pasaportën e BE, të gjithë shqiptarët në Greqi menjëherë fitojnë të drejtat që kanë grekët në Greqi jo vetëm ju njihen pensionet por bëhen edhe të transferueshme, është njësoj si të shkosh nga Vlora në Shkodër dhe nga Shqipëria në Poloni ose në Spanjë. Ska kufi ddhe asnjë lloj dallimi’, tha ai.
