Delvinë, shpërndahen për nxënësit e shkollave uniformat e reja sportive

Projekti i KOKSH për kompletimin e ekipeve me uniforma sportive, është prekur nga dhjetëra nxënës që janë pjesë e ekipeve të shkollave të Delvinës.

Ato janë shpërndarë nga kryetarja e bashkisë së Delvinës Majlinda Qilimi e cila ka falenderuar Komitetin Olimpik Shqiptar.

Kjo pajisje me uniforma, vhen në kuadër të projektit ”Ekipet Sportive 2022”, si pjesë e strategjisë për gjallërimin e jetës sportive dhe largimin e fëmijëve nga veset dhe nga rruga.

Pajisja me uniforma shkon paralelisht me angazhimin e qeverisjes vendore për ofrimin e terreneve më të mira të stërvitjes, si dhe për nxitjen e masivitetit e të cilësisë sportive.

“Finalizuam me sukses marrëveshjen me Komitetin Olimpik Kombëtar Shqiptar (KOKSH) për ngritjen e ekipeve të volejbollit të shkollave 9-vjeçare në bashkinë Delvinë, mbështetur në programin e qeverisë shqiptare për ngritjen e ekipeve sportive në shkolla.

Të rinjtë e ekipeve u kompletuan gjithashtu me çanta, uniforma dhe bazë materiale të nevojshme për stërvitjet e përditshme.

Mbështesim, nxisim dhe promovojmë të rinjtë delvinjotë që e duan dhe e adhurojnë sportin”, shkruan Majlinda Qilimi.