Del motori nga rruga, aksident me pasojë vdekjen në Himarë

Një aksident me pasojë vdekje është shënuar gjatë natës mes të mërkurës dhe të enjtes në Himarë.

Në rrugën rurale të fshatit Tërbaç, gjatë natës, shtetasi L. H., 40 vjeç, dyshohet se duke drejtuar një motor ka humbur kontrollin dhe motomjeti ka dalë nga rruga.

Si pasojë e aksidentit ka humbur jetën drejtuesi i motomjetit.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.