Protestuesja denoncon Tik Lapajn: Nuk na jep mikrofonin, po sabotojnë protestën

Duket se protestuesit që janë mbledhur këtë të martë përpara Kryeministrisë janë ndarë në dy grupe.

Një protestuese në një prononcim për mediet akuzoi grupin e Adriatik Lapajt se po i mohojnë lirinë e fjalës duke mos i dhënë mikrofonin. Duke i quajtur “djemtë e Sorosit”, protestuesja thotë se ky grup po mundohet të sabotojë protestën.

“E shikoni këtë mikrofonin këtu? Këtë mikrofonin këtu e kanë sjellë ata aktorët atje. Ata janë djemtë e Sorosit që nuk duan të lejojnë fjalën e lirë. Janë aktorët që bëjnë sikur protestojnë, prandaj njerëzit janë lodhur nga protestat. E kuptoni që grupi i atdhetarëve rri veç?! Sepse këtu futen aktorët që bëjnë qejf me neve. Ai thotë nuk jam organizator i protestës, por unë nuk ta jap mikrofonin thotë se duhen sloganet.

Sloganet janë gjethet e pemës së vyshkur. Kush janë rrënjët e pemër, kush janë rrënjët e problemit? A i dimë ne? Këta janë aktorët që sabotojnë protestat qytetare, kauzat e drejta.”– tha qytetarja.