Delvinë, të “sfiduar” e të harruar në pleqëri! Çifti i moshuar mbijeton në skamje në fshatin Rusan

Shpopullimi ka prekur të gjithë fshatrat e Delvinës ku kanë mbetur kryesisht të moshuar. Disa prej tyre jetojnë në kushte ekstreme dhe të harruar nga institucionet e kujdesit.

Dallëndyshe Dino dhe Lufti Neimi u sfiduan në pleqëri.

Çifti jeton mes varfërisë e pamundësisë në fshatin Rusan në Delvinë.

“Nuk kemi kacidhe.”

Disa javë më parë 78-vjeçarja pësoi djegie në gjymtyrë.

Varfëria e tejskajshme i ka kufizuar asaj shërimin.

I shoqi Luftiu tregon se në shtëpi nuk kanë as ushqime.

Me pensionin e radhës duhet të lajnë borxhet.

“Ilaçe dhe borxhe që kemi marrë.”

Për ndihmë i janë drejtuar Bashkisë se Delvinës, por sipas tyre dera u është mbyllur në fytyrë.

“Nuk duan t’ia dinë fare.”

Fëmijët në emigracion kanë vite pa i parë.

Mëshira e fqinjëve është ndihma e vetme për të moshuarit.

“Mos të më gjendej ai në dyqan…”

Pa shpresa për të nesërmen, mes pleqërisë plotë vuajtje sigurimi i një vakti ushqimor është sfida e çdo dite, për Dalandyshen dhe Luftiun të mbetur të vetëm dhe të braktisur.