Shifër tronditëse në Greqi, 121 të vdekur brenda ditës nga koronavirusi

Në Greqi është shënuar sot shifër tronditëse viktimash nga Covid-19.

Gjatë 24 orëve të fundit 121 persona kanë humbur jetën si pasojë e koronavirusit.

Numri në total i vdekjeve që nga shpërthimi i pandemisë në shtetin fqinj ka shkuar në 2223.

Ndërkaq, në 24 orët e fundit janë regjistruar 1,747 raste të reja me koronavirus.

Në spitalet greke po trajohen 606 pacientë në intubim dhe mosha e tyre mesatare është 65 vjeç.