Kapet në Sarandë një motor i vjedhur në Greqi, arrestohet 51-vjeçari

Është kapur në Sarandë një motor të vjedhur në Greqi.

Operacioni i policisë është zhvilluar në Livadhaja, ku është kapur mjeti i markës “Kawasaki”, pa targa.

Mësohet se motori ishte vjedhur një ditë më parë në Greqi dhe ishte kaluar nga kufiri i gjelbër në territorin shqiptar.

Ndërkohë, në pranga ka rënë drejtuesi i mjetit, Pajtim Allkushaj, 51 vjeç, që rezulton të jetë me precedentë të shumëfishtë penale.

Ai akuzohet për veprën penale “Trafik i mjeteve motorike”.